Ku wa kane tariki ya 29 Nzeli 2022, KADIHIRA Hamisi Petero ufite imyaka 84 y’amavuko yasezeranye k’umugaragaro imbere y’amategeko n’imbere y’Imana n’umugore we MUKANTWARI Dative ufite imyaka 60 y’amavuko.
KADIHIRA HAMISI PETERO UFITE IMYAKA 84 YASEZERANYE N’UMUGORE WE MUKANTWARI DATIVE W’IMYAKA 60 IMBERE Y’AMATEGEKO N’ITORERO
Muzehe KADIHIRA Hamisi Petero na MUKANTWARI Dative ni abaturage bo mu Kagari ka Gasoro, Umurenge wa Kigoma, Akarere ka Nyanza, Intara y’Amajyepfo.
Muzehe Petero avuye gusezerana n'Umufashawe Dative mu Murenge wa Mukingo
KADIHIRA Hamisi yari asanzwe ari umuyoboke w’Idini ya Isilamu, aza gufata icyemezo cyo guhindura aba Umukristo. Yabatirijwe mu Itorero Angilikani ry’u Rwanda, Diyoseze ya Shyogwe, Ububwiriza bwa Gasoro, ku itariki ya 31/07/2022 yitwa Petero, akomezwa ku itariki ya 21/08/2022. Nyuma yo kubatizwa no gukomezwa, KADIHIRA Petero yafashe icyemezo cyo gusezerana n’umugore we, maze ku itariki ya 29/09/2022 asezerana imbere y’amategeko n’imbere y’Imana ku munsi umwe.
Muzehe Petero avuye gusezerana n'Umufashawe Dative mu Rusengero rwa EAR Gasoro
Ubukwe bwa KADIHIRA Petero na MUKANTWARI Dative ni ubutumwa bukomeye ku babana batarasezeranye. Ubukwe bwabo bombi bwacyujwe n’Itorero mu gitaramo gikomeye cy’ubusabane. Imana ihe umugisha uyu muryango n’abagize uruhare bose muri ubu bukwe.
Iyi nkuru tuyikesha Ev. Tito KABANDA
Add a comment